ඊශ්‍රායල යුද්ධයෙන් පසු පළමු වරට ඉරාන උත්තරීතර නායකයා ප්‍රසිද්ධියේ පෙනී සිටියි

ඉරානය සහ ඊශ්‍රායලය අතර ගැටුම ආරම්භ වීමෙන් පසු ඉරානයේ උත්තරීතර නායක අයතුල්ලා අලි කමේනි පළමු වරට ප්‍රසිද්ධියේ පෙනී සිටි බව ඉරාන රාජ්‍ය මාධ්‍ය වාර්තා කරයි.

ෂියා මුස්ලිම්වරුන්ගේ උත්සවයක් වන අෂුරා උත්සවයට දිනකට පෙර පැවති උත්සවයක් අතරතුර ඔහු සෙනසුරාදා මුස්ලිම් පල්ලියක බැතිමතුන්ට ආශිර්වාද කරන ආකාරය රාජ්‍ය රූපවාහිනිය ඔස්සේ විකාශය කළ දර්ශනවල දැක්විණි.

ජූනි 13 වන දින ආරම්භ වූ සහ ඉරානයේ ඉහළ පෙළේ අණ දෙන නිලධාරීන් හා න්‍යෂ්ටික විද්‍යාඥයින් ඝාතනය කරන ලද දින 12ක යුද්ධය අවසන් කළ සටන් විරාමයෙන් පසු, කමේනි අවසන් වරට ප්‍රසිද්ධියේ පෙනී සිටියේ පටිගත කර විකාශනය කරන ලද ප්‍රකාශයකදී ය.

ඊශ්‍රායලය ඉරානයේ න්‍යෂ්ටික සහ හමුදා ස්ථාන වෙත හදිසි ප්‍රහාරයක් එල්ල කළ අතර, පසුව ඉරානය ඊශ්‍රායලය ඉලක්ක කර ගනිමින් ගුවන් ප්‍රහාර එල්ල කළේ ය.

ඉරානයේ උත්තරීතර නායක අලි කමේනි යනු කවුද? ඔහුගේ පවුල කෙතරම් බලගතු ද?
ඊශ්‍රායලය සමග දින 12ක යුද්ධය අතරතුර, කමේනි වීඩියෝ පණිවිඩ තුනකින් නිකුත් කරමින් රූපවාහිනියේ පෙනී සිටි අතර ඔහු බංකරයක සැඟවී සිටින බවට අනුමාන කෙරිණි.