ආදරණීය ජෝරා එහෙනම් ගිහින් එන්න.

ආදරණීය ජෝරා එහෙනම් ගිහින් එන්න.😢❤️

මට මතක විදිහට ඈත දවසක සෙනසුරාදා සති අන්තේ රාත්‍රියක මිත්‍රයෙකුගේ නිවසක මිදුලේ තිබ්බ අනෝදා ගහක් පාමුල අඩියක් ගහපු රෑක " api machan " කියල බෑන්ඩ් එහෙක සිංදු වගයක් ප්ලේ කරා එතන හිටපු එකෙක්.ඒ බෑන්ඩ් එකේ කොල්ලො පහක් අලුත් සංස්කෘතික නිම්නයක වැඩ බිමක් හදමින් හිටියා.ඒක නව හිමිදිරි වැඩක් ! එයාලා අපි අහපු පරන සිංදුවල මීට කලියෙන් අපිට මුන නොගැහුනු ,නොදැකපු,නොදැනුනු,පුංචි,පුංචි ලස්සන අයිකන් ටිකක් ගොඩ ගනිමින් හිටියා.පරන සිංදුවක අපිට ඉතුරු වුනු සීමිත වයිබ් කීපයකට එහායින් අසීමිත ඉවුරු අනන්තයක් කරා ඒ කොල්ලො පස්දෙනා අපිව අරං යමින් සිටියා.ජෝරා කියන්නෙ එතන හිටපු පස් දෙනාගෙන් එක නිහඬ දක්ෂයෙක්.ඉතිං ඒ නිහඬ සංස්කෘතික තැනිතලාවේ වියතිරේකීය සෞම්‍ය හැඟීම් ගැයූ ඒ නිහඬ පිරිමියාට සුබ රාත්‍රියක්.😢❤️

මචං ජෝරා උඹේ හඬ,උඹව අපිට ඇහෙන,අහන, හැම රාත්‍රියකම ,දහවලකම ජීවමාන පාරාදීසයක තාමත් වාසය කරන නැවුම් සාධකයක් බවට උඹ නික්ම ගියත් ආයෙ ආයෙම අපිට හිතේවි.ඒ තමා
උඹ අපිට ඉතිරි කරල ගිය නැවුම් කටහඬක සංස්කෘතික ශ්‍රමය.❤️😢

සම්පත් සුසන්ත ස්ටැන්ලි