රුමේෂ්-නදීෂා ශ්‍රී ලංකා මාතාව රනින් සහ රිදියෙන් සරසවයි

2025 ආසියානු විසිකිරීමේ ශූරතාවලියේ පිරිමි හෙල්ල විසි කිරීමේ ඉසව්වෙන් රන් පදක්කම දිනා ගැනීමට ශ්‍රී ලංකා මලල ක්‍රීඩක රුමේෂ් තරංග පතිරගේ සමත් විය.

අද දකුණු කොරියාවේ පැවති ඉසව්වෙන් රුමේෂ් තරංග පතිරගේ ප්‍රථම ස්ථානය දිනා ගත්තේය.

ඔහු මීටර් 82.05 ක ආකර්ෂණීය විසි කිරීමකින් ජයග්‍රහණය තහවුරු කළේය.

එසේම,

දකුණු කොරියාවේ පැවති 2025 ආසියානු මලල ක්‍රීඩා ශූරතාවලියේ හෙල්ල විසිකිරීමේ කාන්තා ඉසව්වේ දෙවන ස්ථානය ශ්‍රී ලංකා ක්‍රීඩිකා නදීෂා ලේකම්ගේ විසින් හිමිකරගෙන තිබේ.

නදීෂා ලේකම්ගේ දෙවන ස්ථානයට පත්වූයේ ක්‍රීඩා සමයේ හොඳම දක්ෂතාව මීටර් 57.53ක් වාර්තා කරමිනි.

මෙම ජයග්‍රහණය ඇයගේ පෞද්ගලික හොඳම දක්ෂතාව ද සනිටුහන් කරයි.