සුනඛ දඩයමේ පැමිණි හදුන් දිවියෙකු මන්දකට හසුවෙයි

සුනඛ දඩයමේ පැමිණි හදුන් දිවි පැටවෙකු දඩයම් කරුවන් විසින් අටවා තිබූ මන්දකට හසු වී සිටි බව නෝර්වුඩ් පොලිසිය පැවසිය.

නෝර්වුඩ් පොලිස් වසමට අයත් ෆෝට්ට්‍රී වතුයායේ ගෙවත්තක අටවා තිබූ මන්දකටයි මෙසේ හදුන් දිවි පැටවා හසුවි ඇත.

මන්දට හසු වී ඇති හදුන් දිවි පැටවා නල්ලතන්නි වනජීවි කාර්යාලයේ නිළධාරින් විසින් එම ස්ථානයට පැමිණ මන්ද කපා හදුන් දිවි පැටවා මුදාගෙන තේ වත්තට මුදාහැර තිබෙයි.

මන්ද ඇටවූ පුද්ගලයා අත්අඩංගුවට ගෙන හැටන් මහේස්ත්‍රාත් අධිකරණය වෙත ඉදිරිපත් කරන බවයි නල්ලතන්නි වනජීවි කාර්යාලයේ නිළධාරින් කියා සිටියි.