හබුරුගල බෝධිරාජ වැවේ ගිලී පුද්ගලයකු මරුට

සෙවනගල පොලිස් වසමට අයත් හබුරුගල බෝධිරාජ වැවේ ගිලී පුද්ගලයෙකු ඊයේ ( 17 ) ජීවිතක්ෂයට පත්ව තිබේ.

මෙලෙස මිය ගොස් ඇත්තේ වයස අවුරුදු 42 ක් වූ මහගම ජනපදය, සෙවනගල ප්‍රදේශයේ පදිංචිකරුවෙකි.

මොහු තවත් පුද්ගලයෙකු සමඟ වැවේ මසුන් අල්ලමින් සිටියදී වළකට වැටී දියේ ගිලී මියගොස් ඇති බව පොලිසිය පවසයි.

මෘත ශරීරය ඇඹිලිපිටිය රෝහලේ මෘත ශරීරාගාරයේ තැන්පත් කර ඇති අතර සිද්ධිය සම්බන්ධයෙන් සෙවනගල පොලිසිය වැඩිදුර විමර්ශන සිදු කරනු ලබයි.