‘පැය හයයි විනාඩි 45ක් ත්‍රස්ත විමර්ශන නිලධාරීන් මගෙන් ප්‍රශ්න කළා‘

රාජකාරි සහ පෞද්ගලික කටයුතු සම්බන්ධයෙන් පැය හයයි විනාඩි 45ක් ත්‍රස්ත විමර්ශන කොට්ඨාස නිලධාරීන් තමන්ගෙන් ප්‍රශ්න කළ බව උතුරේ ප්‍රමුඛ මාධ්‍යවේදියකු වන කනපතිපිල්ලේ කුමනන් පවසයි.

එම ප්‍රශ්න කිරීම ගැන ඔහු මෙසේ අදහස් දැක්වීය.

‘පැය හයයි, විනාඩි 45ක් ඊයේ (17) ශ්‍රී ලංකා පොලිසියේ ත්‍රස්ත විමර්ශන කොට්ඨාසය මගෙන් ප්‍රශ්න කළා.
මගේ ජනමාධ්‍ය කටයුතු, ඡායාරූප කටයුතු, සමාජ මාධ්‍ය ක්‍රියාකාරිත්වය, මූල්‍ය තත්ත්වයන්, දුරකතන රෙකෝඩින්ග්ස් සහ විදෙස් සංචාර ගැන එම නිලධාරීන් ප්‍රශ්න කළා.

මේ අවස්ථාවේ ලැබුණු සහයෝගයට, සහෝදරත්වයට, ආදරයට මම බෙහෙවින් කෘතඥ වෙනවා. ඔබේ දිරිගැන්වීම මගේ නිවැරදි වාර්තාකරණයට ලැබුණු මහඟු ශක්තියක්.’