ලැකාන්

ලැකාන් නම් ප්‍රකට ප්‍රංශ මනෝ විශ්ලේෂකයා ඔහුගේ ඉගැන්වීම්වල මුල් අවධියේදී මනෝ විශ්ලේෂණ ප්‍රතිකාරයේ හරය තුළ ‘ඛේදජනක හැඟීම’ හෝ ‘ඛේදජනක බිදවැටීමේ අත්දැකීම’යන්න අමතක නොකළ යුතු බව අවධාරණය කරයි. මෙම ඛේදජනක හැඟීම මනෝ විශ්ලේෂණයේ වැදගත් අංගයක් ලෙස ඔහු සලකයි. ජීවිතයේ යථාර්ථය තුළ පවතින වේදනාව, අහිමි වීම් සහ ගැටුම් පිළිබඳ ගැඹුරු අවබෝධයක් ලබා ගැනීම යන්න මෙයින් අදහස් කෙරේ.

මනෝ විශ්ලේෂණයේදී, මෙම ඛේදවාචක හැඟීම තේරුම් ගැනීම ඉතා වැදගත් වේ, මන්ද එය රෝගියාගේ අභ්‍යන්තර ගැටුම් සහ දුක්ඛිත තත්වයන්ට හේතු විය හැක.එරික් ලෝරන්ට් ඔහුගේ "රෝග ලක්ෂණය සහ කථිකාව" කෘතියේදී, "එය පිළියමක් නොමැති බැවින් ඛේදජනක ලෙස වෙන්වීමක අත්දැකීමකි යන්න ලෙස පවසයි. මනෝ විශ්ලේෂණය මෙම මුල් බිඳවැටීම නොසලකා හැරියහොත් එය මනෝ චිකිත්සාව බවට පත්වේ." යනුවෙන් ඔහු සඳහන් කරයි. මෙහිදී "වෙන්වීම" යන්නෙන් අදහස් කරන්නේ පුද්ගලයෙකුගේ අභ්‍යන්තරිකව සිදුවන බිඳවැටීමක් හෝ බෙදීමක් වන අතර, එය තමා පිළිබඳ හැඟීම, අනෙකා සමඟ ඇති සම්බන්ධතා හෝ ලෝකය පිළිබඳ අවබෝධය විය හැකිය. මෙම වෙන්වීම, බොහෝ විට සුවකළ නොහැකි හෝ ක්ෂණිකව විසඳාගත නොහැකි දෙයක් ලෙස සැලකේ. මෙම තත්වය පුද්ගලයාට ගැඹුරු දුකක්, වේදනාවක් සහ අසරණ භාවයක් ඇති කරයි.

ලැකාන් පවසන්නේ මනෝ විශ්ලේෂණය, ගැඹුරු මානසික ගැටළු වලට නිසි ලෙස ප්‍රතිකාර කිරීම සඳහා, පුද්ගලයාගේ අභ්‍යන්තරික බිඳවැටීම් සහ එම බිඳවැටීම්වල ඛේදජනක ස්වභාවය අවබෝධ කරගත යුතු බවයි. මනෝ විශ්ලේෂණය මෙම මුල් බිඳවැටීම් නොසලකා හැරියහොත්, එය රෝගියාගේ ගැඹුරු ගැටළු වලට නිසි ලෙස ප්‍රතිකාර නොකිරීමට හේතු විය හැකි අතර, එමගින් එය මනෝ චිකිත්සාවට සමාන වනු ඇත. මනෝ චිකිත්සාව, මනෝ විශ්ලේෂණයට වඩා මතුපිටින් රෝගියාගේ ගැටළු සමඟ කටයුතු කරන බව ලැකාන්ගේ අදහසයි. ලැකාන් සහ ලෝරන්ට් යන දෙදෙනාම මනෝ විශ්ලේෂණයේදී ඛේදජනක හැඟීම සහ පුද්ගලයාගේ අභ්‍යන්තර ගැටුම් පිළිබඳ ගැඹුරු අවබෝධයක් තිබීම ඉතා වැදගත් බව අවධාරණය කරති. එමගින් රෝගියාගේ දුක්ඛිත තත්වයන් තේරුම් ගැනීමටත්, ඔවුන්ට සහයෝගය දැක්වීමටත් උපකාර වේ.

Éric Laurent, Symptom and Discourse
Painting by Edward Burne-Jones, 1872
මෙන්ඩිස් මුරැක්කුවදුරගේ මුහුණු පොතෙනි...